日式燒鰻魚飯

細個每逢去日本餐廳 鰻魚飯都是必點的菜色
大佬  而家出去日本餐廳食 閒閒地都要成一百蚊
所以好耐無食luuuu

前排係吉之島買咗支鰻魚汁
諗住有機會就買鱔返嚟整
今日終於係機會啦

用白鱔做鰻魚飯
唔好以為自己煮就一定平過出面
一條白鱔都幾貴
記得叫魚販幫忙起骨

材料

一條 白鱔
鰻魚汁
雞蛋
珍珠米

焗爐預熱二百度
煮飯
煎蛋再切成蛋絲備用


白鱔去"散" 洗淨 抹乾
用竹籤串起

比向上放入焗爐焗四分鐘
至魚皮微乾

取出  隔水蒸4分鐘
把白鱔蒸至半熟

蒸好後倒去水份
兩面塗上鰻魚汁
放入焗爐 皮向上焗4分鐘

再兩面塗上鰻魚汁
肉向上焗4分鐘
重覆3次  至微焦
即成