周打蜆酥皮盒 － Clam chowder puff

哈  很美  像個寶盒。

沉迷一啲以食物作器皿嘅食物。

自製酥皮實在太麻煩

這次用嘅係citysuper 賣，廿幾蚊落個嘅酥皮盒。

周打蜆作餡

係不錯嘅前菜。

酥皮盒  直徑大約7cm

牛油3湯匙

麵粉2湯匙

蒜蓉

牛奶

沙白

蒜頭

雞湯

白酒

雪藏帶子  幾粒

半個洋蔥  切小粒

蘑菇  切小粒

鹽胡椒粉

周打汁同蜆要分開處理。

沙白，賣回來後用鹽水浸2小時，

煮前半小時完成水浸，加生油，加鐵羹，確保吐晒沙

煮滾雞湯放入蒜頭，沙白，蓋上。

待沙白半開，落白酒。

8分熟，瀝乾備用。

蜆汁雞湯亦慢餚至一半份量，備用。

炒帶子洋蔥粒蘑菇粒至僅僅熟，

鹽胡椒粉調味備用。

做周打汁嘅方法同做普通白汁相似，

小窩裡煮溶牛油，爆香蒜茸，

加麵粉，迅速拌勻。

加牛奶及剛才煮沙白嘅蜆汁雞湯稀釋。

加入帶子洋蔥粒蘑菇粒，

加鹽胡椒粉調味。

酥皮盒放焗爐以180度焗6分鐘，

加入周打蜆汁，放上沙白，

蓋上酥皮蓋，即成。

*鹽水浸，生油鐵羹浸 都係讓蜆吐沙嘅好方法，

鹽水浸係模仿海水，令蜆呼吸，吐沙，但時間較長；

生油鐵羹浸係誤導蜆令佢以為佢將要窒息，令蜆大啖大啖咁呼吸，

係快速既吐沙方法，

但切記生油鐵羹浸 嘅方法大概只可用30分鐘，

太耐啲蜆會死，就無得食啦。

xxx

牛油果蟹子多士 － Avocado kani Toast

最喜歡嘅下午茶就係一啲好足料嘅toast，

可惜出街食個啲成日大大塊包得少少料，

牛油果，係好神奇嘅果實，好有份量嘅味道

同時又健康

今次半個牛油果可以整3塊toast，

剛好。

香草包  切薄片  烘至兩面脆

半個熟透牛油果  晏爛

2湯匙沙拉醬
2湯匙cream cheese  室溫
蟹子

牛油果蓉沙拉醬cream cheese 拌勻
塗上toast
加上蟹子，即成。


xxx

自製豆腐花

本身是個討厭豆腐的人，

不只豆腐，是任何豆類製品。

但唯獨豆腐花，可能係可以瘋狂落糖嘅緣故。

最喜歡濃濃嘅薑汁配一粒粒脆嘅糖。

這天就來試做 這神奇嘅甜品。

材料:

500ml 無糖或低糖豆漿  無防腐劑嘅純豆漿 如豆腐主義，壹品

3/4茶匙 粟粉

3/4茶匙 熟石膏粉

做法簡單，

先將豆漿 煮滾，

粟粉熟石膏粉放於做豆腐花嘅大器皿內，

用2湯匙熱水攪溶，

將滾豆漿撞入器皿內，

蓋上乾布，加蓋，

等待30-40分鐘。

凝固後用鐵羹撇去表面汽泡。

薑糖水:

薑  攪成蓉

黃糖  視乎個人喜好

水

三種材料入鍋煮至黃糖溶化，

再隔走薑蓉。

*

煮滾豆漿時切記要中火，

火太猛容易滾瀉。

亦要時不時攪下佢，以防起衣。 

xxx

馬賽魚湯 － Bouillabaisse

馬賽魚湯是源自法國沿地中海地區的美食，

用的是至少3種不同類型的海鮮魚類，

加上湯底的材料 餚成鮮味的海鮮湯。

聽說都是當地的魚民 用上賣剩的魚穫煮成的，

所以不同地方的做法都有一點不同。

這次我用了大蝦  鱈魚  帶子  青口 加番茄湯底。

好吃。

材料:

蝦殼

雞湯

番茄

罐裝番茄膏

三個  番茄  切粒

一個  洋蔥  切粒

一條  蘿蔔  設粒

急凍 大蝦

急凍 帶子

急凍 青口

新鮮 鱈魚

4湯匙  白酒

鹽胡椒粉

碎橙皮 少許

檸檬

蒜蓉

香草  bay leaves，thyme

橄欖油

橄欖油 蒜蓉 炒香蝦殼，

加雞湯 餚成 蝦湯底，備用。

炒熟洋蔥 蘿蔔 番茄，加入蝦湯底，

加番茄膏及香草  bay leaves，thyme，餚15分鐘，

加白酒 至酒精揮發掉。

徹底洗淨海鮮，

用鹽稍醃鱈魚，

放開先入鍋 餚熟，

注意時間，小心過熟。

最後鹽胡椒粉 調味，加碎橙皮及檸檬汁。

xxx

芝心漢堡扒 － Cheese burger

芝心漢堡扒係我童年嘅幻想，

每當我吃著漢堡店乾爭爭嘅漢堡，

就會諗如果係好juicy 嘅漢堡包住源源不絕嘅芝士，

就好啦....

一有時間諗返起哩個小時後嘅幻想，

就忍唔住買材料整喇，

第時我一定會煮比我啲小朋友食

免治牛肉

免治豬肉

*2牛:1朱

蒜蓉

洋蔥 切至十分碎

半隻蛋液

麵包糠

燒牛肉汁(不一定要，我用咗韓式燒牛肉汁)

鹽胡椒粉

香草

豉油

麻油

油

芝士  切成拇指頭大小丁狀 (我用了cheddar cheese）

蒜蓉炒熟洋蔥 ，

免治牛肉豬肉洋蔥蛋液麵包糠 拌勻，

加入調味料調味。

保鮮紙鋪砧板，

放上肉，芝士， 包好

用保鮮紙定型，

放雪櫃底層最少半小時。

下油鑊，慢火煎熟。

*切忌猛火，心會唔熟

xxx