越式生蝦刺身 － Raw prawn

生蝦刺身是每次到九龍城都想要吃的，

但喺餐廳裏食生蝦刺身實在唔抵，同時又驚佢洗唔乾淨

其實想整生蝦刺身一啲都唔難

今次做嘅係越式生蝦刺身，

材料好簡單，
最重要就係新鮮同洗得乾淨嘅蝦！
真係食一百隻都唔厭。



一斤草蝦
一湯匙  越南魚露
一個  青檸汁
一隻  指天椒  切碎
兩茶匙   蒜茸
一茶匙 砂糖
水 少許

草蝦挑腸，徹底洗淨，
切開攤平，
用鹽水洗淨
放入雪櫃 冰水浸一小時。
用毛巾索乾，放雪櫃備用。
其餘材料拌勻，即成。


*
新鮮蝦比雪藏蝦較衛生，肉質亦較好，
所以選用泰國草蝦。
汁材料嘅份量可按個人口味調較。




xxx