勝瓜豆腐魚湯

試過最有魚味嘅奶白色魚湯，
係星加坡某處幾某間魚湯米粉店。
真係忘記了係邊。
多次嘗試都搵唔到。
而家街外嘅舖頭成日標榜自己魚湯魚湯，
但冇乜邊間係有standard。

要係屋企就飲到夠鮮夠魚味嘅魚湯  其實唔難
至少確保無加味精無落奶

其實大部份魚都可以煲出奶白色魚湯
今次用嘅係細條的紅衫
加上鯇魚腩  勝瓜  豆腐
就成了簡單鮮甜的魚湯啦 哈哈

材料
三條  細紅衫魚
適量  鯇魚腩 切片
勝瓜
豆腐
蔥段
薑片
6碗  滾水


先將紅衫魚洗淨  抹乾，
灑上鹽醃大約15分鐘。

燒紅鑊  落油，
把魚煎至兩面金黃魚肉變硬。
下滾水 薑片， 大火滾起。
立即就會變成奶白色。

加鹽調味，
搇蓋再滾10分鐘。
隔走魚渣。
加入其餘配料滾至勝瓜熟透。


xxx